@rawan_vii
ليلحين وايد ناس يسألوني قصيتي شعرج؟ ليش؟ حرام شعرج.. شعرج.. أي حلقت شعري كله رغماً عنّي وعن ضعفي.. على كثر ما كانت دقايق مؤلمة.. توجع الروح من الداخل.. لكن ما قدرت إني ما أسويها.. والسبب إني تعايشت في قصة مع مرض مؤلم وكثير ناس عانوا منه وليلحين يعانون منّه.. قبل ما أختار الدور ما مريت في حياتي في صراع من هالنوع.. تعمقت فيه وكانت هذي النتيجة.. ووصلت حق نقطة بعد هذه الرحلة.. شكثر احنا أقوياء.. وشكثر الدنيا ما تسوى ومالها قيمة والأهم ما نقدمه احنا كبشر، واللي أعتبره واجب في هذه الحياة، حق نفسنا وحق الناس.. الأهم ما نفعل في هذه الحياة مو شلون شكلنا وشنو نلبس وإلخ.. نعم احنا نحتاج هالأشياء وتحسسنا بسعادة ولكنها مؤقتة.. السعادة الحقيقية هي العطاء والحب.. حب الآخر وحب النفس.. ومثل ما قال بابا مهدي: "نحنُ من يعيدُ النّهار للنّهار." صعب جداً التعبير عن مشاعري في هذي الأمور بس أبي أقول شكراً لكل امرأة ضحت وأحبت وأعطت، ولكل شخص خاض رحلة هالمرض القاسي.. كم أنتم أقوياء.. هذا كل اللي أقدر أقوله